Job offer: គ្រូបង្រៀនថ្នាក់បឋមសិក្សា (2 Positions)

អង្គការ​មេត្រី​អន្តរជាតិ​ (AIM) ត្រូវ​បាន​បង្កើត​ឡើង​នៅ​លើទឹក​ដី​ប្រទេសកម្ពុជា​ក្នុង​ឆ្នាំ​ ១៩៨៨ ជា​អង្គការ​ជំនួយមនុស្សធម៌​ និង​ ដាំ​ក្រុមជំនុំ​។ ចាប់តាំងពី​ឆ្នាំ​ ២០០៥មក​ គ្រប់​ព័ន្ធ​កិច្ច​របស់យើង​បាន​ផ្តោត​លើការប​ញ្ចប់​អំពើអាក្រក់​នៃ​ទាសភាព​ផ្លូវ​ភេទ​កុមារ​។ AIM ប្រើប្រាស់​យុទ្ធ​សាស្រ្តគ្រប់ជ្រុងជ្រោយ​ក្នុង​ការ​ប្រយុទ្ធ​ប្រឆាំង​នឹង​ការ​ជួញ​ដូរ​មនុស្ស​ ការ​ស្ដារ​ជនរងគ្រោះ​ និង​ការ​បំផ្លាស់​បំប្រែ​សហគមន៍​ដើម្បី​កម្ចាត់​ការ​ជួញ​ដូរ​មនុស្ស​។ AIM ត្រូវ​បាន​ដឹកនាំ​ដោយមាន​ទស្សនៈ​ច្បាស់លាស់​ថា​ ព្រះ​បាន​ចាក់​ប្រេង​តាំង​ពួក​ជំនុំ​តាមរយៈ​អំណាច​នៃ​ព្រះ​យេស៊ូ​វគ្រីស្ទឲ្យ​យកឈ្នះ​លើ​អំពើអាក្រក់​។

យើងខ្ញុំ​កំពុង​ស្វែងរក​បេក្ខជន​ដែល​មាន​សមត្ថភាព​ ដើម្បី​បំពេញ​មុខតំណែង​ដូច​ខាងក្រោម​៖

មជ្ឈមណ្ឌល​មេត្រី​លើកស្ទួយ​នៃ​ក្តី​ស្រលាញ់​ត្រូវការ​ជ្រើសរើស​បេ​ក្ខនារី​ជនជាតិ​ខ្មែរ​ពីរ​រូប​ ដើម្បី​បំពេញ​តួនាទី​ជា​ គ្រូបង្រៀន​ពេញ​ម៉ោង​។

គោលបំណង​ការងារ​៖ បង្រៀន​ថ្នាក់​បឋមសិក្សា​ទូទៅ​ (មុខវិជ្ជា​ទាំងអស់​រួម​ទាំង​ភាសា​អង់គ្លេស​) ក៏ដូចជា​ធ្វើការ​យ៉ាង​ជិតស្និទ្ធ​ជាមួយ​សិស្ស​ដែល​សិក្សា​ទាំង​នៅ​សាលា​ឯកជន​ និង​សាលា​រដ្ឋ​។

ការ​ទំនាក់ទំនង​ជាគោល​៖

• រាយការណ៍​ទៅកាន់​ ៖ ប្រធាន​ក្រុម​គ្រូបង្រៀន​។
• ទទួលការ​រាយការណ៍​ផ្ទាល់​ពី​៖ មិនមាន​។

ល័ក្ខខ័ណ្ឌ​ការងារ​ / អត្ថប្រយោជន៍​៖

• ធ្វើការ​៤២ម៉ោង​ក្នុង​មួយ​សប្តាហ៍​។ ជា​ធម្មតា​ពី​ថ្ងៃចន្ទ​ ដល់​ថ្ងៃសុក្រ​ ម៉ោង​៧៖៣០ព្រឹក​ ដល់ម៉ោង​ ៤៖៣០ល្ងាច​។
• ផ្តល់ជូន​ការធានា​រ៉ាប់រង​សុខភាព​តាមរយៈ​សេវា​ ប.ស.ស រួម​ជាមួយ​ និង​គោល​នយោបាយ​សុខភាព​របស់​អង្គការ​ AIM សម្រាប់​បុគ្គលិក​ និង​សមាជិក​គ្រួសារ​ក្នុង​បន្ទុក​។
• ផ្តល់ជូន​ថ្ងៃឈប់​សម្រាក​ដែល​មាន​ប្រាក់ឈ្នួល​។
• ផ្តល់ជូន​នូវ​អាហារ​ថ្ងៃត្រង់​។
• សម្រាប់​ប្រាក់ខែ​នៃ​មុខ​ដំណែង​នេះ​ គឺ​ផ្អែក​ទៅលើ​បទពិសោធន៍​និង​សមត្ថភាព​របស់​បេក្ខជន​។

Duties

• ថែរក្សាទំនាក់ទំនងផ្ទាល់ខ្លួនជាមួយព្រះយេស៊ូគ្រិស្ត និងបន្តធ្វើជាសាក្សីរបស់ព្រះយេស៊ូគ្រិស្ត។ ចូលរួមក្រុមជំនុំ និងអធិស្ឋានជាប្រចាំ។
• បង្រៀនកំរិតថ្នាក់ដែលបានចាត់តាំង (ថ្នាក់ទី១ ដល់ទី៦) រួមបញ្ចូលទាំងការបង្រៀនភាសាអង់គ្លេស។
• គ្រប់គ្រងបញ្ហាអាកប្បកិរិយាសិស្សក្នុងថ្នាក់ និងសម្រុះសម្រួលសិស្សនៅពេលចាំបាច់។
• អានកម្មវិធីសិក្សាតាមកម្រិតថ្នាក់ និងបង្កើតកិច្ចតែងការមេរៀនសម្រាប់បង្រៀន។
• ធ្វើការជាមួយសាលារៀនខាងក្រៅ​និង ក្រសួងអប់រំដើម្បីជួយដល់អ្នកស្នាក់នៅ ឱ្យបានចូលរៀននៅសាលាខាងក្រៅ និងធ្វើការទំនាក់ទំនងទៀងទាត់លើវឌ្ឍនភាពរបស់ពួកគេ។
• ទិញសម្ភារៈសិក្សាសម្រាប់អ្នកស្នាក់នៅ។​
• ទំនាក់ទំនងជាមួយបុគ្គលិកផ្នែកផ្សេងទៀតប្រចាំសប្តាហ៍។
• ផ្តល់ឱ្យប្រធានក្រុមគ្រូបង្រៀនជាទៀងទាត់ នូវរបាយការណ៍ជាលាយលក្ខណ៍អក្សរស្តីពីអាកប្បកិរិយា និងវឌ្ឍនភាពរបស់សិស្សនៅក្នុងថ្នាក់។
• ចូលរួមការប្រជុំក្រុមប្រចាំសប្តាហ៍
• ចូលរួមវគ្គបណ្តុះបណ្តាលអភិវឌ្ឍន៍វិជ្ជាជីវៈនៅពេលវេលាសមស្របណាមួយ។
• ភារកិច្ចផ្សេងទៀតតាមការចាត់តាំង។

Requirements

• ជំនឿ និងគុណតម្លៃសំខាន់ៗ៖ (ឧ. និយោជិករបស់យើងអនុវត្ត​ស្របជាមួយនឹងជំនឿ និងមូលដ្ឋានគ្រឹះរបស់អង្គភាព ដោយរួមបញ្ចូលចំណុច​ខាងក្រោម​)៖
• រក្សាបាននូវទំនាក់ទំនងផ្ទាល់ខ្លួនជាមួយព្រះយេស៊ូគ្រីស្ទ និងធ្វើជាទីបន្ទាល់ដែលស្ថិតស្ថេររបស់ទ្រង់។ ចូលរួមថ្វាយបង្គំ និងអធិស្ឋាននៅក្រុមជំនុំយ៉ាងទៀងទាត់។
• បង្ហាញ និងធ្វើជាគំរូនូវការបន្ទាបខ្លួន ភាពចាស់ទុំផ្នែកអារម្មណ៍ ការអត់ធ្មត់ ការស្រលាញ់ ការទទួលយក ការលើកទឹកចិត្ត និងការយល់ចិត្តដ៏ពិតប្រាកដ។
• ព្យាយាមឱ្យមានសាមគ្គីភាព ការផ្សះផ្សា និងការស្តារឡើងវិញក្នុងចំណោមបុគ្គលិក។
• មានចំណេះដឹង ឬមានឆន្ទៈក្នុងការរៀនអំពីការប៉ះទង្គិចផ្លូវចិត្ត ដែលរួមមាន ប៉ុន្តែមិនកំណត់ត្រឹមរោគសញ្ញា អាកប្បកិរិយាដែលជាប់ទាក់ទង ការព្យាបាល ការប៉ះទង្គិចផ្លូវចិត្តបន្ទាប់បន្សំ និងការការពារ។
• មានចិត្តចូលរួមវគ្គបណ្តុះបណ្តាលផ្សេងៗ និងរៀនអំពីប្រធានបទនានា ដែលជួយអភិវឌ្ឍខ្លួនឯង ទាំងផ្នែកព្រលឹងវិញ្ញាណ និងវិជ្ជាជីវៈ ព្រមទាំងរៀនអំពីគោលនយោបាយ និងនិតិវិធីផ្សេងៗ។
• គោរពនូវ បេសកកម្ម ចក្ខុវិស័យ គុណតម្លៃនិង សេចក្តីថ្លែងពីគោលជំនឿរបស់អង្គការមេត្រីអន្តរជាតិ។
• រក្សាការសម្ងាត់។
• និយាយតំណាងឲ្យអង្គការមេត្រីអន្តរជាតិ បុគ្កលិករបស់យើង ដៃគូរបស់យើង អ្នកចូលរួមនៅក្នុងកម្មវិធីរបស់ យើង និងអង្គការផ្សេងទៀតជាមួយនឹងការគោរព និងផ្តល់កិត្តិយសគ្រប់ទម្រង់ប្រាស្រ័យទាក់ទងទាំងអស់ ហើយអធិស្ឋានដោយស្មោះត្រង់សម្រាប់មនុស្សម្នាក់ៗ។
• មានសមត្ថភាពក្នុងការថែទាំ សុខភាពខាងព្រលឹងវិញ្ញាណ រាងកាយ និងផ្លូវអារម្មណ៍ ខណៈពេលដែលកំពុងធ្វើការឆ្ពោះទៅរកចក្ខុវិស័យរបស់ AIM ទាំងមូល និងនាយកដ្ឋានជាក់លាក់។
• ការអប់រំនិងបទពិសោធន៍៖
• ការអប់រំ៖ បរិញ្ញាបត្រផ្នែកបង្រៀន​ឬ បទពិសោធន៍និងការអប់រំដែលជាប់ពាក់ព័ន្ធ។
• បទពិសោធន៍៖ មានបទពិសោធន៍ធ្វើការជាមួយអង្គការក្រៅរដ្ឋាភិបាល ក្នុងផ្នែកទំនាក់ទំនងរដ្ឋាភិបាល និងធុរកិច្ចនៅកម្ពុជា បូកបន្ថែមបទពិសោធន៍ផ្លាស់ប្តូរនោះកាន់តែប្រសើរ។
• តម្រូវការផ្សេងៗទៀត៖
• អត្តសញ្ញាណប័ណ្ណសញ្ជាតិខ្មែរ។
• មិនមានកំណត់ត្រាព្រហ្មទណ្ឌ។
• ជាសមាជិកសកម្មនៃព្រះវិហារគ្រីស្ទបរិស័ទ។
• ត្រូវមានលិខិតបញ្ជាក់ពីគ្រូគង្វាល។
• ជំនាញ និងសមត្ថភាព៖
• ជំនាញ និងសមត្ថភាពជាក់លាក់ និងទូទៅដែលត្រូវការ ដើមី្បបំពេញតម្រូវការនៃមុខដំណែង ស្ទាត់ជំនាញផ្នែកភាសាខ្មែរ៖ ការសរសេរ និងការនិយាយ។
• ការសន្ទនាភាសាអង់គ្លេស៖ ការសរសេរ និង ការនិយាយ។
• មានជំនាញមូលដ្ឋានកុំព្យូទ័រជាពិសេសជាមួយ Microsoft Office, Excel, Email និង Internet។
• មានសមត្ថភាពក្នុងការដោះស្រាយបញ្ហា និងគិតត្រិះរិះពិចារណាដោយភាពស៊ីជម្រៅ។
• គ្រប់គ្រងពេលវេលានិងចាត់អាទិភាពការងារប្រកបដោយប្រសិទ្ធភាព។
• រៀបចំនិងអាចគ្រប់គ្រងព័ត៌មានបាន។