Announced
05/12/202419 days ago
Job Status
Employee
Job Type
Full Time
Expiration Date
03/01/2025 10 days left
Job Category
Job Location
Job Title
អ្នកប្រឹក្សាយោបល់ (2 Positions)Work At
Agape International Missions (AIM)
Job Presentation
អង្គការមេត្រីអន្តរជាតិ (AIM) ត្រូវបានបង្កើតឡើងនៅលើទឹកដីប្រទេសកម្ពុជាក្នុងឆ្នាំ ១៩៨៨ ជាអង្គការជំនួយមនុស្សធម៌ និង ដាំក្រុមជំនុំ។ ចាប់តាំងពីឆ្នាំ ២០០៥មក គ្រប់ព័ន្ធកិច្ចរបស់យើងបានផ្តោតលើការបញ្ចប់អំពើអាក្រក់នៃទាសភាពផ្លូវភេទកុមារ។ AIM ប្រើប្រាស់យុទ្ធសាស្រ្តគ្រប់ជ្រុងជ្រោយក្នុងការប្រយុទ្ធប្រឆាំងនឹងការជួញដូរមនុស្ស ការស្ដារជនរងគ្រោះ និងការបំផ្លាស់បំប្រែសហគមន៍ដើម្បីកម្ចាត់ការជួញដូរមនុស្ស។ AIM ត្រូវបានដឹកនាំដោយមានទស្សនៈច្បាស់លាស់ថា ព្រះបានចាក់ប្រេងតាំងពួកជំនុំតាមរយៈអំណាចនៃព្រះយេស៊ូវគ្រីស្ទឲ្យយកឈ្នះលើអំពើអាក្រក់។
យើងខ្ញុំកំពុងស្វែងរកបេក្ខជនដែលមានសមត្ថភាព ដើម្បីបំពេញមុខតំណែងដូចខាងក្រោម៖
មជ្ឈមណ្ឌលមេត្រីលើកស្ទួយនៃក្តីស្រលាញ់ ត្រូវការជ្រើសរើសបេក្ខនារីជាជនជាតិខ្មែរ ចំនួន២ រូបដើម្បីបំពេញតួនាទីជា អ្នកប្រឹក្សាយោបល់។
គោលបំណងការងារ៖ ធានាថាអ្នកស្នាក់នៅមជ្ឃមណ្ឌលលើកស្ទួយនៃសេចក្តីស្រលាញ់ ទាំងអស់ទទួលបានការប្រឹក្សាយោបល់ប្រកបដោយគុណភាព ដើម្បីឱ្យពួកគេអាចទទួលបានការជាសះស្បើយពីការប៉ះទង្គិចផ្លូវចិត្ត និងប្រែក្លាយជាមនុស្សមានភាពធន់រឹងមាំ និងមានសុខភាពផ្លូវចិត្តល្អ មុនពេលពួកគេត្រូវបានធ្វើសមាហរណកម្ម។
ទំនាក់ទំនងរាយការណ៍៖
រាយការណ៍ទៅកាន់៖ ប្រធានផ្នែកប្រឹក្សាយោបល់។
ល័ក្ខខ័ណ្ឌការងារ / អត្ថប្រយោជន៍៖
- ធ្វើការ៤៨ម៉ោងក្នុងមួយសប្តាហ៍។ ជាធម្មតាពីថ្ងៃចន្ទ ដល់ថ្ងៃសុក្រ ម៉ោង៧៖៣០ព្រឹក ដល់ម៉ោង ៤៖៣០ល្ងាច (ប៉ុន្តែតម្រូវឱ្យមានភាពបត់បែនខ្លះក្នុងការមកធ្វើការលឿន និងចេញយឺត ជាពិសេសសម្រាប់ការធ្វើដំណើរ។ តួនាទីនេះក៏តម្រូវឱ្យធ្វើការនៅថ្ងៃសៅរ៍ដោយផ្អែកលើការផ្លាស់ប្តូរវិលជុំ)។
- ផ្តល់ជូនការធានារ៉ាប់រងសុខភាពតាមរយៈសេវា ប.ស.ស រួមជាមួយ និងគោលនយោបាយសុខភាពរបស់អង្គការ AIM សម្រាប់បុគ្គលិក និងសមាជិកគ្រួសារក្នុងបន្ទុក។
- ផ្តល់ជូនថ្ងៃឈប់សម្រាកដែលមានប្រាក់ឈ្នួល។
- ផ្តល់ជូននូវអាហារថ្ងៃត្រង់។
- សម្រាប់ប្រាក់ខែនៃមុខដំណែងនេះ គឺផ្អែកទៅលើបទពិសោធន៍និងសមត្ថភាពរបស់បេក្ខជន។
Duties
- អ្នកស្នាក់នៅក្នុងមជ្ឃមណ្ឌលលើកស្ទួយនៃសេចក្តីស្រលាញ់ ជាអ្នករស់រានមានជីវិតពីការរំលោភបំពាន និងការកេងប្រវ័ញ្ចផ្លូវភេទដែលមានការប៉ះទង្គិចផ្លូវចិត្ត។ អ្នកត្រូវបង្កើតនិងរក្សាទំនាក់ទំនងប្រកបដោយសេចក្តីស្រឡាញ់និងការទុកចិត្តជាមួយអ្នកស្នាក់នៅម្នាក់ៗក្រោមការថែទាំរបស់អ្នក។
- ផ្តល់វគ្គប្រឹក្សាយោបល់មួយទល់មួយប្រចាំសប្តាហ៍១-២ដងក្នុងមួយសប្តាហ៍សម្រាប់អ្នកស្នាក់នៅរយៈពេលវែងក្រោមការថែទាំរបស់អ្នកសម្រាប់អ្នកស្នាក់នៅដែលស្ថិតក្នុងកម្មវិធី TF-CBT ទាំង១០ជំហាន។ វគ្គប្រឹក្សាយោបល់ទាំងនេះអាចកើតឡើងញឹកញាប់ជាងនេះ ប្រសិនបើមានការស្នើសុំដោយអ្នកស្នាក់នៅ ឬក៏ត្រូវបានចាត់ទុកថាចាំបាច់ដោយអ្នកប្រឹក្សាយោបល់ ឬអ្នកដឹកនាំ។
- ប្រើទម្រង់ផ្សេងៗនៃការប្រឹក្សាយោបល់ជាមួយអ្នកស្នាក់នៅម្នាក់ៗដែលនៅក្រោមការថែទាំរបស់អ្នកដោយផ្អែកលើតម្រូវការផ្ទាល់ខ្លួនរបស់ពួកគេ។វិធីសាស្រ្តប្រឹក្សាយោបល់ដែលប្រើនៅមជ្ឃមណ្ឌលលើកស្ទួយនៃសេចក្តីស្រលាញ់ រួមមាន ប៉ុន្តែមិនកំណត់ត្រឹមចំនុចដូចខាងក្រោមនោះទេ៖
- ការព្យាបាលអាកប្បកិរិយា និងសតិបញ្ញាដោយផ្ដោតលើការប៉ះទង្គិច។
- ការព្យាបាលជាក្រុម។
- ការព្យាបាលជាការសំដែង។
- ការព្យាបាលតាមការលេងកំសាន្ត។
- ការព្យាបាលតាមបែបសិល្បៈ។
- រក្សាកំណត់ត្រាទិន្នន័យរបស់អ្នកស្នាក់នៅនីមួយៗដែលនៅក្រោមការថែទាំរបស់អ្នកឱ្យបានត្រឹមត្រូវ និងមានបច្ចុប្បន្នភាព ដោយប្រើប្រាស់ទម្រង់ដែលបានផ្តល់ឱ្យដោយមជ្ឈមណ្ឌលលើកស្ទួយនៃក្តីស្រលាញ់ និងមជ្ឈមណ្ឌលលើកស្ទួយនៃក្តីស្រលាញ់។ ព័ត៌មាននេះត្រូវតែពេញលេញ និងអាចឱ្យនាយិកាមជ្ឃមណ្ឌលលើកស្ទួយនៃសេចក្តីស្រលាញ់២ ចូលប្រើ និងត្រួតពិនិត្យបាន គ្រប់ពេលវេលា ដោយមិនថា អ្នកមានឬមិនមានវត្តមាននៅមជ្ឃមណ្ឌលលើកស្ទួយនៃសេចក្តីស្រលាញ់យ៉ាងណាក៏ដោយ ក៏នាយិកាមជ្ឃមណ្ឌលលើកស្ទួយនៃសេចក្តីស្រលាញ់២ នៅតែអាចដឹងពីស្ថានភាពរបស់អ្នកស្នាក់នៅម្នាក់ៗបានគ្រប់ជ្រុងជ្រោយដែរ។ ព័ត៌មាននេះគឺជាការសម្ងាត់បំផុត ហើយគួរតែត្រូវបានចែកចាយតែនៅក្នុងកិច្ចប្រជុំអ្នកថែទាំប្រចាំសប្តាហ៍ជាមួយបុគ្គលិកមជ្ឃមណ្ឌលលើកស្ទួយនៃសេចក្តីស្រលាញ់ផ្សេងទៀតតែប៉ុណ្ណោះ។ នៅពេលដែលមិនត្រូវបានប្រើដោយអ្នក កំណត់ត្រាទិន្នន័យទាំងអស់គួរតែត្រូវបានរក្សាទុកនៅក្នុងថតតុចាក់សោរ ឬទូដាក់ឯកសារ។
- កត់ត្រារាល់កំណត់សម្គាល់អំពីអ្នកស្នាក់នៅដែលនៅក្រោមការថែទាំរបស់អ្នកនៅក្នុងសៀវភៅកំណត់ត្រារបស់មជ្ឃមណ្ឌលលើកស្ទួយនៃសេចក្តីស្រលាញ់ ដែលផ្តល់ឱ្យដោយមជ្ឃមណ្ឌលលើកស្ទួយនៃសេចក្តីស្រលាញ់។ ព័ត៌មាននៅក្នុងសៀវភៅកំណត់ត្រាការសង្កេតទាំងនេះជាព័ត៌មានសម្ងាត់បំផុត ហើយគួរតែត្រូវបានចែកចាយជាមួយនាយិកាមជ្ឃមណ្ឌលលើកស្ទួយនៃសេចក្តីស្រលាញ់ នៅពេលចាំបាច់ប៉ុណ្ណោះ។ មានព័ត៌មានតិចតួចប៉ុណ្ណោះ អំពីអ្នកស្នាក់នៅដែលអាចចែករំលែកនៅឯកិច្ចប្រជុំអ្នកថែទាំប្រចាំសប្តាហ៍ ។ នៅពេលដែលមិនត្រូវបានប្រើដោយអ្នក សៀវភៅកំណត់ត្រាការសង្កេតមជ្ឃមណ្ឌលលើកស្ទួយនៃសេចក្តីស្រលាញ់២ គួរតែត្រូវបានរក្សាទុកនៅក្នុងថតតុចាក់សោរ ឬទូដាក់ឯកសារ។
- វាយតម្លៃតម្រូវការផ្នែកអារម្មណ៍ និងទំនាក់ទំនង ហើយបង្កើតផែនការប្រឹក្សាយោបល់ដាច់ដោយឡែកសម្រាប់អ្នកស្នាក់នៅម្នាក់ៗដែលស្ថិតក្រោមការថែទាំរបស់អ្នក។ មុននឹងបន្តទៅមុខជាមួយនឹងផែនការរបស់នាង(អ្នកស្នាក់នៅម្នាក់ៗ) អ្នកត្រូវតែទទួលបានការយល់ព្រមពីប្រធានផ្នែកសង្គមកិច្ចនិងប្រឹក្សាយោបល់នៃមជ្ឃមណ្ឌលលើកស្ទួយនៃសេចក្តីស្រលាញ់។
- ចែកចាយការវាយតម្លៃដំបូង បច្ចុប្បន្ន និងវឌ្ឍនភាព ប៉ុន្តែត្រូវកំណត់ដែនព័ត៌មានពេលចែកចាយ ក្នុងស្មារតីរក្សាការសម្ងាត់មិនឱ្យបែកធ្លាយសម្រាប់អ្នកស្នាក់នៅដែលអ្នកបានជួបនីមួយៗ នៅក្រោមការថែទាំរបស់អ្នកនៅឯកិច្ចប្រជុំអ្នកថែទាំ ផ្ទះស្នាក់នៅមជ្ឃមណ្ឌលលើកស្ទួយនៃសេចក្តីស្រលាញ់ ប្រចាំសប្តាហ៍។
- ចូលរួមកិច្ចប្រជុំអ្នកថែទាំមជ្ឃមណ្ឌលលើកស្ទួយនៃសេចក្តីស្រលាញ់ ប្រចាំសប្តាហ៍ នៅពេលដែលករណីអ្នកស្នាក់នៅ ដែលនៅក្រោមការថែទាំរបស់អ្នកកំពុងត្រូវបានគេបានពិភាក្សាសួរដេញដោល និងផ្តល់ព័ត៌មានតិចតួចប៉ុណ្ណោះទៅលើវឌ្ឍនភាពរបស់អ្នកស្នាក់ដែលនៅក្រោមការថែទាំរបស់អ្នក (ដោយមិនឱ្យបែកធ្លាយការសម្ងាត់) ប៉ុន្តែក៏ត្រូវទទួលបានព័ត៌មានពីផ្នែកផ្សេងទៀតនៅក្នុងមជ្ឃមណ្ឌលលើកស្ទួយនៃសេចក្តីស្រលាញ់ ដែលព័ត៌មានទាំងនោះនឹងមានតម្លៃក្នុងការបង្កើតផែនការប្រឹក្សាយោបល់ដាច់ដោយឡែកដែលកំពុងកើតឡើងសម្រាប់អ្នកស្នាក់នៅដែលនៅក្រោមការថែទាំរបស់អ្នក។
- នៅពេលមានព្រឹត្តិការណ៍នៃការកាត់ក្តីរបស់តុលាការ ហើយធ្វើការជាមួយក្រុមអ្នកច្បាប់ AIM/ក្រុមអ្នកច្បាប់ផ្សេងទៀត អ្នកនឹងរៀបចំឱ្យអ្នកស្នាក់នៅបានដឹង និងការរំពឹងជួបបទពិសោធន៍ដែលពួកគេទទួលបាននៅក្នុងដំណើរការកាត់ក្តីរបស់តុលាការ។ អ្នកក៏នឹងអមដំណើរអ្នកស្នាក់នៅទៅក្នុងដំណើរការកាត់ក្តីទាំងអស់របស់តុលាការផងដែរ។
- បំពេញកិច្ចការគ្រប់ជំហានដែលមាននៅក្នុងបញ្ជីត្រួតពិនិត្យការប្រឹក្សាយោបល់របស់មជ្ឃមណ្ឌលលើកស្ទួយនៃសេចក្តីស្រលាញ់ ជាមួយអ្នកស្នាក់នៅដែលនៅក្រោមការថែទាំរបស់អ្នកដោយមិនរំលងជំហានណាមួយឡើយ។ រាល់ជំហានដែលមិនអាចបញ្ចប់បានត្រូវតែមានការយល់ព្រមពីប្រធានផ្នែកសង្គមកិច្ចនិងប្រឹក្សាយោបល់នៃមជ្ឃមណ្ឌលលើកស្ទួយនៃសេចក្តីស្រលាញ់ ។
- បន្សាំខ្លួនអ្នកជាមួយនឹងផែនការថែទាំរបស់ផ្ទះស្នាក់នៅមជ្ឃមណ្ឌលលើកស្ទួយនៃសេចក្តីស្រលាញ់ ហើយធានាថាការងាររបស់អ្នកជាមួយអ្នកស្នាក់នៅដែលនៅក្រោមការថែទាំរបស់អ្នកស្របតាមគោលនយោបាយទាំងនេះ។
- ផ្តល់បញ្ជីត្រួតពិនិត្យការប្រឹក្សាយោបល់របស់មជ្ឃមណ្ឌលលើកស្ទួយនៃសេចក្តីស្រលាញ់ ដែលត្រូវបានធ្វើបច្ចុប្បន្នភាពសម្រាប់អ្នកស្នាក់នៅដែលនៅក្រោមការថែទាំរបស់អ្នកទៅកាន់ប្រធានផ្នែកសង្គមកិច្ចនិងប្រឹក្សាយោបល់ នៅចុងបញ្ចប់នៃរៀងរាល់៣ខែម្តង។
- នៅពេលជួបជាមួយអ្នកស្នាក់នៅដែលនៅក្រោមការថែទាំរបស់អ្នក សូមផ្តល់ការគាំទ្រខាងព្រលឹងវិញ្ញាណតាមរយៈការអធិស្ឋាន ការណែនាំខាងព្រលឹងវិញ្ញាណ ការផ្តល់ព្រះគម្ពីរ ការថ្វាយបង្គំខ្លីៗ ឬអក្សរសាស្រ្តផ្សេងទៀត។
- ធ្វើការដោយសហការជាមួយបុគ្គលិកផ្នែកប្រឹក្សាយោបល់ និងបុគ្គលិកសង្គមកិច្ចផ្សេងទៀត ដើម្បីជួយសម្របសម្រួលដល់វគ្គព្យាបាលជាក្រុម និងស្ថានភាពសម្តែងតួជាប្រចាំ ។
- នៅពេលចាំបាច់ សូមចូលរួមក្នុងបណ្តាញប្រឆាំងការជួញដូរ និងការពារកុមារក្នុងព្រះរាជាណាចក្រកម្ពុជា រួមមាន នាយកដ្ឋានរបស់រដ្ឋាភិបាល និងអង្គការសម្ព័ន្ធចាប់ដៃជាដើម។
- ធ្វើការជាក្រុម ហើយអាចទាក់ទងបានតាមទូរស័ព្ទគ្រប់ពេល។
- ត្រូវមានវត្តមានផ្ទាល់នៅក្នុងបរិវេណអគារ មជ្ឃមណ្ឌលលើកស្ទួយនៃសេចក្តីស្រលាញ់ ក្នុងអំឡុងពេលមានវិបត្តិ។ ក្នុងករណីដែលអ្នកមិននៅភ្នំពេញ សូមផ្តល់ជំនួយតាមទូរស័ព្ទសម្រាប់សហការីផ្សេងទៀត។
- ជួបជារៀងរាល់ថ្ងៃជាមួយប្រធានផ្នែកសង្គមកិច្ចនិងប្រឹក្សាយោបល់ម្បីផ្តល់ព័ត៌មានថ្មីៗ ផ្តល់អនុសាសន៍ ទទួលការយល់ព្រមពីគម្រោងការប្រឹក្សាយោបល់បុគ្គល និងទទួលបានការបណ្តុះបណ្តាលការប្រឹក្សាយោបល់បន្ថែម។
- ចូលរួម និងរួមចំណែកក្នុងកិច្ចប្រជុំ និងការបណ្តុះបណ្តាលដែលចាំបាច់ទាំងអស់ ដែលតម្រូវដោយប្រធានផ្នែកសង្គមកិច្ចនិងប្រឹក្សាយោបល់។
- នៅពេលដែលអាចធ្វើទៅបាន អធិស្ឋានជាមួយអ្នកស្នាក់វ័យក្មេងដែលនៅក្រោមការថែទាំរបស់អ្នក និងអធិស្ឋានសម្រាប់ពួកគេផងដែររៀងរាល់ថ្ងៃ។
- ភារកិច្ចផ្សេងទៀតតាមការចាត់តាំង។
Requirements
- ជំនឿ និងគុណតម្លៃសំខាន់ៗ៖ (ឧ. និយោជិករបស់យើងអនុវត្តស្របជាមួយនឹងជំនឿ និងមូលដ្ឋានគ្រឹះរបស់អង្គភាព ដោយរួមបញ្ចូលចំណុចខាងក្រោម)៖
- រក្សាបាននូវទំនាក់ទំនងផ្ទាល់ខ្លួនជាមួយព្រះយេស៊ូគ្រីស្ទ និងធ្វើជាទីបន្ទាល់ដែលស្ថិតស្ថេររបស់ទ្រង់។ ចូលរួមថ្វាយបង្គំ និងអធិស្ឋាននៅក្រុមជំនុំយ៉ាងទៀងទាត់។
- បង្ហាញ និងធ្វើជាគំរូនូវការបន្ទាបខ្លួន ភាពចាស់ទុំផ្នែកអារម្មណ៍ ការអត់ធ្មត់ ការស្រលាញ់ ការទទួលយក ការលើកទឹកចិត្ត និងការយល់ចិត្តដ៏ពិតប្រាកដ។
- ព្យាយាមឱ្យមានសាមគ្គីភាព ការផ្សះផ្សា និងការស្តារឡើងវិញក្នុងចំណោមបុគ្គលិក។
- មានចំណេះដឹង ឬមានឆន្ទៈក្នុងការរៀនអំពីការប៉ះទង្គិចផ្លូវចិត្ត ដែលរួមមាន ប៉ុន្តែមិនកំណត់ត្រឹមរោគសញ្ញា អាកប្បកិរិយាដែលជាប់ទាក់ទង ការព្យាបាល ការប៉ះទង្គិចផ្លូវចិត្តបន្ទាប់បន្សំ និងការការពារ។
- មានចិត្តចូលរួមវគ្គបណ្តុះបណ្តាលផ្សេងៗ និងរៀនអំពីប្រធានបទនានា ដែលជួយអភិវឌ្ឍខ្លួនឯង ទាំងផ្នែកព្រលឹងវិញ្ញាណ និងវិជ្ជាជីវៈ ព្រមទាំងរៀនអំពីគោលនយោបាយ និងនិតិវិធីផ្សេងៗ។
- គោរពនូវ បេសកកម្ម ចក្ខុវិស័យ គុណតម្លៃនិង សេចក្តីថ្លែងពីគោលជំនឿរបស់អង្គការមេត្រីអន្តរជាតិ។
- រក្សាការសម្ងាត់។
- និយាយតំណាងឲ្យអង្គការមេត្រីអន្តរជាតិ បុគ្កលិករបស់យើង ដៃគូរបស់យើង អ្នកចូលរួមនៅក្នុងកម្មវិធីរបស់ យើង និងអង្គការផ្សេងទៀតជាមួយនឹងការគោរព និងផ្តល់កិត្តិយសគ្រប់ទម្រង់ប្រាស្រ័យទាក់ទងទាំងអស់ ហើយអធិស្ឋានដោយស្មោះត្រង់សម្រាប់មនុស្សម្នាក់ៗ។
- មានសមត្ថភាពក្នុងការថែទាំ សុខភាពខាងព្រលឹងវិញ្ញាណ រាងកាយ និងផ្លូវអារម្មណ៍ ខណៈពេលដែលកំពុងធ្វើការឆ្ពោះទៅរកចក្ខុវិស័យរបស់ AIM ទាំងមូល និងនាយកដ្ឋានជាក់លាក់។
- កម្រិតវប្បធម៌និងបទពិសោធន៍៖
- កម្រិតវប្បធម៌៖ សញ្ញាបត្រមធ្យមសិក្សាទុតិយភូមិ ឬមានបទពិសោធន៍ នឹងការអប់រំដែលមានតម្លៃស្មើរ។
- មានបរិញ្ញាបត្រកាន់តែប្រសើរ។
- បទពិសោធន៍៖ ការប្រឹក្សាយោបល់ ការងារជាអ្នកសង្គមកិច្ច ឬបទពិសោធន៍ថែទាំអ្នកដែលមានការប៉ះទង្គិច
- ផ្លូវចិត្ត ការប៉ះទង្គិចពីការជួញដូរផ្លូវភេទ ឬការជួញដូរមនុស្ស ប៉ុន្តែមិនទាមទារ។
- តម្រូវការផ្សេងទៀត៖
- មានអត្តសញ្ញាណប័ណ្ណសញ្ជាតិខ្មែរ។
- មិនមានកំណត់ត្រាព្រហ្មទណ្ឌ។
- ជាសមាជិកសកម្មនៃព្រះវិហារគ្រីស្ទបរស័ទ។
- ត្រូវមានលិខិតបញ្ជាក់ពីគ្រូគង្វាល។
- ជំនាញ និងសមត្ថភាព៖
- ជំនាញ និងសមត្ថភាពជាក់លាក់ និងទូទៅដែលត្រូវការ ដើមី្បបំពេញតម្រូវការនៃមុខដំណែង
- ស្ទាត់ជំនាញភាសាខ្មែរ៖ សរសេរ និងនិយាយ។
- ចង់បានអ្នកស្ទាត់ជំនាញភាសាវៀតណាម៖ សរសេរ និងនិយាយ ប៉ុន្តែមិនចាំបាច់។
- ចង់បាន អ្នកអាចប្រើភាសាអង់គ្លេសល្អ៖ សរសេរ និងនិយាយ ប៉ុន្តែមិនសំខាន់។
- ចេះកុំព្យូទ័រ។
- សមត្ថភាពក្នុងការធ្វើការតែម្នាក់ឯង និងផ្តួចផ្តើមគំនិត។
- សមត្ថភាពក្នុងការធ្វើការជាក្រុម។
- សមត្ថភាពក្នុងការស្វែងរកការពិត ដោះស្រាយបញ្ហាប្រកបដោយប្រសិទ្ធភាព គិតពិចារណា និងធ្វើការសម្រេចចិត្តប្រកបដោយប្រសិទ្ធភាព។
- មានឆន្ទៈក្នុងការរៀន។
- សមត្ថភាពក្នុងការគ្រប់គ្រងពេលវេលា និងកំណត់អាទិភាពការងារប្រកបដោយប្រសិទ្ធភាព។
- មានជំនាញទំនាក់ទំនងល្អ ទាំងការសរសេរ និងការនិយាយ ដើម្បីសម្របខ្លួនទៅតាមអ្នកស្តាប់ផ្សេងៗគ្នា។
- សមត្ថភាពក្នុងការធ្វើការសម្រេចចិត្តជាផលប្រយោជន៍ល្អបំផុតដល់អ្នកស្នាក់នៅដែលស្ថិតក្រោមការយកចិត្តទុកដាក់របស់អ្នក។
- សមត្ថភាពក្នុងការផ្តល់ការអប់រំអំពីការរួមភេទ និងប្រធានបទនានាទាក់ទងនឹងលក្ខណៈផ្លូវភេទដោយគ្មានការភ័យខ្លាច ឬការខ្មាស់អៀន ប៉ុន្តែដោយការគោរព និងសេចក្តីថ្លៃថ្នូរ។
- សមត្ថភាពក្នុងការអភិវឌ្ឍ និងរក្សាផែនការថែទាំខ្លួនឯង។
JOB BY
256-A Wat Prawchum Sakor Road, Village 1, Sangkat, Phnom Penh 12110, Phnom Penh
View all 219 Jobs
BongThom.com Jobs
256-A Wat Prawchum Sakor Road, Village 1, Sangkat, Phnom Penh 12110, Phnom Penh +855 17 333 885
View all 219 Jobs