អង្គការមេត្រីអន្តរជាតិ (AIM) ត្រូវបានបង្កើតឡើងនៅលើទឹកដីប្រទេសកម្ពុជាក្នុងឆ្នាំ ១៩៨៨ ជាអង្គការជំនួយមនុស្សធម៌ និង ដាំក្រុមជំនុំ។ ចាប់តាំងពីឆ្នាំ ២០០៥មក គ្រប់ព័ន្ធកិច្ចរបស់យើងបានផ្តោតលើការបញ្ចប់អំពើអាក្រក់នៃទាសភាពផ្លូវភេទកុមារ។ AIM ប្រើប្រាស់យុទ្ធសាស្រ្តគ្រប់ជ្រុងជ្រោយក្នុងការប្រយុទ្ធប្រឆាំងនឹងការជួញដូរមនុស្ស ការស្ដារជនរងគ្រោះ និងការបំផ្លាស់បំប្រែសហគមន៍ដើម្បីកម្ចាត់ការជួញដូរមនុស្ស។ AIM ត្រូវបានដឹកនាំដោយមានទស្សនៈច្បាស់លាស់ថា ព្រះបានចាក់ប្រេងតាំងពួកជំនុំតាមរយៈអំណាចនៃព្រះយេស៊ូវគ្រីស្ទឲ្យយកឈ្នះលើអំពើអាក្រក់។
យើងខ្ញុំកំពុងស្វែងរកបេក្ខជនដែលមានសមត្ថភាព ដើម្បីបំពេញមុខតំណែងដូចខាងក្រោម៖
មជ្ឈមណ្ឌលមេត្រីលើកស្ទួយនៃក្តីស្រលាញ់២ ត្រូវការជ្រើសរើសបេក្ខនារីជាជនជាតិខ្មែរមួយរូប ដើម្បីបំពេញតួនាទីជា បុគ្គលិកសង្គមកិច្ចពេញម៉ោង។
គោលបំណងការងារ៖ ក្រោមការណែនាំរបស់ប្រធានក្រុមបុគ្គលិកសង្គមកិច្ច និងអ្នកគ្រប់គ្រងផ្នែកសង្គមកិច្ច និងប្រឹក្សាយោបល់ ដើម្បីធ្វើការវាយតម្លៃប្រកបដោយភាពញេញលេញ សម្រាប់អ្នកស្នាក់នៅមជ្ឈមណ្ឌលមេត្រីលើកស្ទួយនៃក្តីស្រលាញ់២ នាពេលបច្ចុប្បន្ន បង្រៀន ជំនាញបំនិនជីវិត ការរៀបចំផែនការបណ្តុះបណ្តាលជំនាញវិជ្ជាជីវៈ និងការសម្របសម្រួលធ្វើសមាហរណកម្មសម្រាប់ក្មេងស្រី និងស្ត្រីដែលស្ថិតនៅក្រោមការមើលថែរបស់ពួកគេ និងសម្រាប់អតិថិជនដែលបានធ្វើសមាហរណកម្មរួច ដោយធ្វើការតាមដាន គាំទ្រ ជួយអតិថិជនក្នុងការឆ្លើយតបទៅនឹងស្ថានភាពអាសន្នដែលពួកគេត្រូវការ
និងផ្តល់ការគ្រប់គ្រង ករណីសម្រាប់អតិថិជន ដែលបានធ្វើសមាហរណកម្មចេញពីមជ្ឈមណ្ឌលមេត្រីលើកស្ទួយនៃក្តីស្រលាញ់២ និងការបិទករណី។
តួនាទីនេះតម្រូវឱ្យមានការធ្វើដំណើរច្រើនរួមទាំងការធ្វើ ដំណើរនៅទូទាំងប្រទេសកម្ពុជា។ មុខតំណែងនេះនឹងធើ្វការនៅមជ្ឈមណ្ឌលមេត្រីលើកស្ទួយនៃក្តីស្រលាញ់២ ប៉ុន្តែអាចនឹងធ្វើការតាម កម្មវិធីAIM ផ្សេងទៀតតាមការចាត់តាំង។
ទំនាក់ទំនងរាយការណ៍៖
រាយការណ៍ទៅកាន់៖ ប្រធានក្រុមបុគ្គលិកសង្គមកិច្ច។
ល័ក្ខខ័ណ្ឌការងារ / អត្ថប្រយោជន៍៖
- ធ្វើការ៤៨ក្នុងមួយសប្តាហ៍។ ជាធម្មតាចាប់ពីថ្ងៃចន្ទ-សុក្រម៉ោង៧៖៣០ព្រឹក ដល់ម៉ោង ៤៖៣០ល្ងាច (និងថ្ងៃសៅរ៍ ម៉ោង៧៖៣០ព្រឹក ដល់១២៖០០រសៀលដោយផ្អែកលើការផ្លាស់ប្តូរវិលជុំ)។ អាចនឹងតម្រូវធ្វើការនៅពេលល្ងាច ចុងសប្តាហ៍ និងថ្ងៃឈប់សម្រាកតាមតម្រូវការ។
- ផ្តល់ជូនការធានារ៉ាប់រងសុខភាពតាមរយៈសេវា ប.ស.ស រួមជាមួយ និងគោលនយោបាយសុខភាពរបស់អង្គការ AIM សម្រាប់បុគ្គលិក និងសមាជិកគ្រួសារក្នុងបន្ទុក។
- ផ្តល់ជូនថ្ងៃឈប់សម្រាកដែលមានប្រាក់ឈ្នួល។
- ផ្តល់ជូននូវអាហារថ្ងៃត្រង់។
- សម្រាប់ប្រាក់ខែនៃមុខដំណែងនេះ គឺផ្អែកទៅលើបទពិសោធន៍និងសមត្ថភាពរបស់បេក្ខជន។
Duties
- កាតព្វកិច្ច និងទំនួលខុសត្រូវចម្បង៖
- ដឹង និងយល់អំពីគោលការណ៍ការងារសង្គមកិច្ចរបស់ផ្ទះស្នាក់នៅរ៉ាហាប់ភ្នំពេញ និងគោលការណ៍ណែនាំនៃការធ្វើសមាហរណកម្ម ។
- ដឹង និងយល់អំពីដំណើរការនៃការគ្រប់គ្រងករណី។
- សម្រាប់អ្នកស្នាក់នៅថ្មី បុគ្គលិកសង្គមកិច្ចនឹងរៀបចំការសង្ខេបករណី កំណត់ពេលទៅជួប ការប្រជុំ និងការវាយតម្លៃដោយយោងតាមគោលការណ៍របស់ ផ្ទះស្នាក់នៅរ៉ាហាប់ភ្នំពេញ។
- រៀបចំកាលវិភាគពិនិត្យសុខភាព ការវាយតម្លៃគ្រួសារ និងការទៅសួរសុខទុក្ខផ្សេងៗទៀត តាមតម្រូវការសម្រាប់អ្នកស្នាក់នៅ។
- ថែររក្សាសំណុំឯកសាររបស់ករណីទាំងអស់
- ធ្វើបច្ចុប្បន្នភាពជូនដល់អ្នកដឹកនាំពីការវិវឌ្ឍននានារបស់អ្នកស្នាក់នៅជាទៀងទាត់។
- បុគ្គលិកសង្គមនឹងទំនាក់ទំនងទៀងទាត់ជាមួយក្រុមការងារ SWAT សម្រាប់ការស្កេនឆ្អឹង ករណីតុលាការ និងប្រវត្តិអ្នកស្នាក់នៅ។
- ជួបជាទៀងទាត់ជាមួយអ្នកដឹកនាំ ដើម្បីធានាថាអ្នកយល់អំពីតួនាទី និងកំពុងអនុវត្តទំនួលខុសត្រូវទាំងអស់ស្របតាមកិច្ចព្រមព្រៀងការងារ។
- ជួបជាមួយអ្នកដឹកនាំប្រចាំសប្តាហ៍ ដើម្បីពិភាក្សាអំពីបញ្ហាប្រឈមដែលអាចកើតមាន និងស្វែងរកដំណោះស្រាយសម្រាប់អ្នកស្នាក់នៅ និងក្រុមគ្រួសាររបស់ពួកគេ។
- រៀបចំរបាយការណ៍ប្រចាំខែសម្រាប់អ្នកស្នាក់នៅ ហើយផ្ញើជូនទៅអ្នកដឹកនាំ។
- ចូលរួមជាមួយក្រុមការងារសង្គមកិច្ច និងរៀបចំផែនការសកម្មភាពប្រចាំខែ ដើម្បីផ្ញើជូនថ្នាក់ដឹកនាំដើម្បីអនុម័ត។
- រៀបចំរបាយការណ៍ខ្លីប្រចាំខែសម្រាប់អ្នកស្នាក់នៅម្នាក់ៗ ដើម្បីធានាថារបាយការណ៍ទាំងនោះស៊ីគ្នានឹងផែនការសកម្មភាព ហើយផ្ញើជូនទៅអ្នកដឹកនាំសម្រាប់ការអនុម័ត។
- បំពេញរបាយការណ៍ចំណាយជាមួយនឹងបង្កាន់ដៃដែលបានរក្សាទុកប្រចាំសប្តាហ៍ ហើយប្រគល់ទៅឱ្យអ្នកដឹកនាំដោយយោងតាមគោលនយោបាយរបស់អង្គការមេត្រីអន្តរជាតិ និង ផ្ទះស្នាក់នៅរ៉ាហាប់ភ្នំពេញ ។
- សរសេររបាយការណ៍ស្តីពីការវាយតម្លៃគ្រួសារ ករណីតុលាការ និងការទៅសួរសុខទុក្ខផ្សេងៗទៀត។
- ត្រូវមានវត្តមានសម្រាប់បុគ្គលិកសង្គមកិច្ចលើការពិគ្រោះយោបល់សម្រាប់ករណីតាមតម្រូវការ និងអនុម័តការសម្រេចចិត្ត។ ស្វែងរកដំបូន្មាន និងការយល់ព្រមពីអ្នកដឹកនាំនៅពេលចាំបាច់។
- ចាំបាច់ត្រូវបំពេញការវាយតម្លៃបុគ្គលិករៀងរាល់៦ខែម្តង ដើម្បីពិនិត្យមើលការអនុវត្ត និងកំណត់គោលដៅជាមួយអ្នកដឹកនាំ។
- បង្ហាញគំរូល្អលើការគោរពពេលវេលា និងអាកប្បកិរិយាដែលជាគំរូមកពីព្រះជាម្ចាស់ចំពោះអ្នកស្នាក់នៅ និងចំពោះបុគ្គលិករបស់អង្គការមេត្រីអន្តរជាតិ។
- ចាំបាច់ត្រូវចូលរួមគ្រប់ទាំងសម្មភាពទាំងអស់របស់ផ្ទះស្នាក់នៅរ៉ាហាប់ភ្នំពេញ រួមទាំងវគ្គបណ្តុះបណ្តាលស្ដារឡើងវិញ ហើយបើកចិត្តទូលាយក្នុងការដែលរៀន និងអភិវឌ្ឍជំនាញគ្រប់គ្រង។
- រៀបចំផែនការជំនាញបំនិនជីវិត ដើម្បីបង្រៀនជំនាញបំនិនជីវិតនៅក្នុងសហគមន៍ និងទៅកាន់ក្មេងស្រី។
- ចូលរួមការប្រជុំអ្នកថែរក្សាប្រចាំសប្តាហ៍។
- រក្សាគ្រប់កិច្ចការទាំងអស់ដែលបានអាន ឮ ឬបកប្រែដោយសម្ងាត់បំផុត។
- ចូលរួមក្នុងការសិក្សាព្រះបន្ទូលខ្លីពេលព្រឹកប្រចាំថ្ងៃ ក៏ដូចជាកាសិក្សាព្រះបន្ទូលជាមួយបុគ្គលិកពេលរសៀល និងចូលរួមអធិស្ឋាន។
- ធ្វើកិច្ចការផ្សេងទៀតតាមការចាត់តាំង។
- ជំនឿ និងគុណតម្លៃសំខាន់ៗ៖ (ឧ. និយោជិករបស់យើងអនុវត្តស្របជាមួយនឹងជំនឿ និងមូលដ្ឋានគ្រឹះរបស់អង្គភាព ដោយរួមបញ្ចូលចំណុចខាងក្រោម)៖
- រក្សាបាននូវទំនាក់ទំនងផ្ទាល់ខ្លួនជាមួយព្រះយេស៊ូគ្រីស្ទ និងធ្វើជាទីបន្ទាល់ដែលស្ថិតស្ថេររបស់ទ្រង់។ ចូលរួមថ្វាយបង្គំ និងអធិស្ឋាននៅក្រុមជំនុំយ៉ាងទៀងទាត់។
- បង្ហាញ និងធ្វើជាគំរូនូវការបន្ទាបខ្លួន ភាពចាស់ទុំផ្នែកអារម្មណ៍ ការអត់ធ្មត់ ការស្រលាញ់ ការទទួលយក ការលើកទឹកចិត្ត និងការយល់ចិត្តដ៏ពិតប្រាកដ។
- ព្យាយាមឱ្យមានសាមគ្គីភាព ការផ្សះផ្សា និងការស្តារឡើងវិញក្នុងចំណោមបុគ្គលិក។
- មានចំណេះដឹង ឬមានឆន្ទៈក្នុងការរៀនអំពីការប៉ះទង្គិចផ្លូវចិត្ត ដែលរួមមាន ប៉ុន្តែមិនកំណត់ត្រឹមរោគសញ្ញា អាកប្បកិរិយាដែលជាប់ទាក់ទង ការព្យាបាល ការប៉ះទង្គិចផ្លូវចិត្តបន្ទាប់បន្សំ និងការការពារ។
- មានចិត្តចូលរួមវគ្គបណ្តុះបណ្តាលផ្សេងៗ និងរៀនអំពីប្រធានបទនានា ដែលជួយអភិវឌ្ឍខ្លួនឯង ទាំងផ្នែកព្រលឹងវិញ្ញាណ និងវិជ្ជាជីវៈ ព្រមទាំងរៀនអំពីគោលនយោបាយ និងនិតិវិធីផ្សេងៗ។
- គោរពនូវ បេសកកម្ម ចក្ខុវិស័យ គុណតម្លៃនិង សេចក្តីថ្លែងពីគោលជំនឿរបស់អង្គការមេត្រីអន្តរជាតិ។
- រក្សាការសម្ងាត់។
- និយាយតំណាងឲ្យអង្គការមេត្រីអន្តរជាតិ បុគ្កលិករបស់យើង ដៃគូរបស់យើង អ្នកចូលរួមនៅក្នុងកម្មវិធីរបស់ យើង និងអង្គការផ្សេងទៀតជាមួយនឹងការគោរព និងផ្តល់កិត្តិយសគ្រប់ទម្រង់ប្រាស្រ័យទាក់ទងទាំងអស់ ហើយអធិស្ឋានដោយស្មោះត្រង់សម្រាប់មនុស្សម្នាក់ៗ។
- មានសមត្ថភាពក្នុងការថែទាំ សុខភាពខាងព្រលឹងវិញ្ញាណ រាងកាយ និងផ្លូវអារម្មណ៍ ខណៈពេលដែលកំពុងធ្វើការឆ្ពោះទៅរកចក្ខុវិស័យរបស់ AIM ទាំងមូល និងនាយកដ្ឋានជាក់លាក់។
Requirements
- កម្រិតវប្បធម៌និងបទពិសោធន៍៖
- កម្រិតវប្បធម៌៖ មានសញ្ញាបត្រមធ្យមសិក្សាទុតិយភូមិ ឬមានបទពិសោធន៍ការងារសង្គមកិច្ច២ឆ្នាំដែលសមមូល។
- មានសញ្ញាបត្របរិញ្ញាបត្រ (ចង់បាន)។
- បទពិសោធន៍៖ មានបទពិសោធន៍ការងារសង្គមកិច្ចកាន់តែប្រសើរ តែមិនតម្រូវ។
- តម្រូវការផ្សេងៗទៀត៖
- អត្តសញ្ញាណប័ណ្ណសញ្ជាតិខ្មែរ។
- មិនមានកំណត់ត្រាព្រហ្មទណ្ឌ។
- ជាសមាជិកសកម្មនៃព្រះវិហារគ្រីស្ទបរស័ទ។
- ត្រូវមានលិខិតបញ្ជាក់ពីគ្រូគង្វាល។
- ជំនាញ និងសមត្ថភាព៖ ជំនាញ និងសមត្ថភាពជាក់លាក់ និងទូទៅដែលត្រូវការ ដើមី្បបំពេញតម្រូវការនៃមុខដំណែង
- ស្ទាត់ជំនាញភាសាខ្មែរ៖ សរសេរ និងនិយាយ។
- អាចប្រើប្រាស់ភាសាអង់គ្លេសបានល្អ៖ ការសរសេរ និងនិយាយ (ចង់បាន)។
- ចេះប្រើប្រាស់កុំព្យូទ័រ។
- សមត្ថភាពក្នុងការធ្វើការតែម្នាក់ឯង និងមានគំនិតផ្តួចផ្តើម។
- សមត្ថភាពក្នុងការធ្វើការនៅក្នុងក្រុមថ្នាក់ដឹកនាំសង្គមកិច្ចនិងព្រឹក្សាយោបល់។
- សមត្ថភាពក្នុងការដឹកនាំក្រុម ទោះបីជាវាពាក់ព័ន្ធនឹងការសម្រេចចិត្តពិបាកក៏ដោយ។
- សមត្ថភាពក្នុងការដោះស្រាយបញ្ហា គិតពិចារណា និងធ្វើការសម្រេចចិត្តប្រកបដោយប្រសិទ្ធភាព។
- សមត្ថភាពក្នុងការគ្រប់គ្រងជម្លោះ និងដាក់វិន័យប្រកបដោយប្រសិទ្ធភាព។
- មានឆន្ទៈក្នុងការរៀន។
- សមត្ថភាពក្នុងការបណ្តុះបណ្តាល ណែនាំ និងគ្រប់គ្រងបុគ្គលិក។
- សមត្ថភាពក្នុងការគ្រប់គ្រងពេលវេលា និងកំណត់អាទិភាពការងារប្រកបដោយប្រសិទ្ធភាព។
- មានជំនាញទំនាក់ទំនងល្អ ទាំងការសរសេរ និងពាក្យសំដី ដើម្បីសម្របខ្លួនទៅមនុស្សផ្សេងៗគ្នា។
BongThom.com Jobs
256-A Wat Prawchum Sakor Road, Village 1, Sangkat, Phnom Penh 12110, Phnom PenhView all 219 Jobs